Царице небесна: Да го слушаме Светиот Дух со читање на Словото Божјо, со обожување и молитва
Светиот Отец потсети дека денеска го славиме слегувањето на Светиот Дух врз Марија и апостолите. Укажувајќи дека во Евангелието Исус зборува за Светиот Дух кој ќе нè поучи за сè што ќе слушне, тој праша што слушнали што би кажал Светиот Дух.
Папата потоа објасни дека Светиот Дух за нас е сведок на прекрасниот дијалог во кој Отецот и Синот меѓусебно зборуваат за нивната љубов, што се среќава неколку пати во Евангелијата.
Забележа како овие моменти изразуваат убави чувства како наклонетост, благодарност, доверба и милост, кои, пак, ни откриваат убава, блескава, конкретна и трајна врска, како што е вечната Божја љубов.
„Тоа се токму оние зборови кои преобразуваат, кои Светиот Дух ги повторува во нас и кои е добро да се слушат, бидејќи тие раѓаат исти чувства и исти намери во нашите срца. Тоа се плодни зборови. Затоа е важно секојдневно да се храниме со нив со читање и размислување на Словото Божјо, носејќи го со себе во џебно издание, искористувајќи ги поволните моменти“, рече Светиот Отец. Тој додаде дека слушањето на Божјото Слово, обожавањето и молитвата ни помагаат да направиме простор за гласот на Светиот Дух. Дури и кога си кажуваме убави зборови, еден за друг стануваме ехо на мекиот глас на Утешителот“, истакна тој.
Истакнувајќи дека слушањето и размислувањето на Божјото Слово, обожавањето и молитвата во тишина не се тешки работи и секој може да ги направи, Папата на крајот ја замоли Марија, која беше присутна на Педесетница со апостолите, „да не направи послушни за гласот на Светиот Дух“.
