Kard. Parolin takon nunc毛t apostolik毛 n毛 Lindjen e Mesme. Bised毛 me presidentin e ri t毛 Libanit
R.SH. - Vatikan
Në Aman të Jordanisë, ku shkoi për kushtimin eKkishës së Pagëzimit të Jezusit, Sekretari i Shtetit të Vatikanit, kardinali Pietro Parolin, dje, më 13 janar, u takua me nuncët apostolikë, diplomatë të Vatikanit në rajonin e Lindjes së Mesme. Kështu bën të ditur në një komunikatë, Salla e Shtypit e Selisë së Shenjtë, e cila saktëson se në takim morën pjesë përfaqësuesit diplomatikë papnorë të akredituar në Mbretërinë e Bahreinit, në Republikën Arabe të Egjiptit, në Emiratet e Bashkuara Arabe, në Mbretërinë Hashemite të Jordanisë dhe në Republikën Islame të Iranit, në Republikën e Irakut, në Shtetin e Izraelit, në Shtetin e Kuvajtit, në Republikën e Libanit, në Sulltanatin e Omanit, në Shtetin e Palestinës, në Shtetin e Katarit, në Republikën Arabe Siriane dhe në Republikën e Jemenit.
Shpresa e Lindjes së Mesme, "toka e paqes"
Gjatë takimit, thuhet në njoftimin e Selisë së Shenjtë, "u trajtuan krizat që po ndodhin aktualisht në rajon, si edhe kushtet politike e kishtare të secilit vend, shenjat e shpresës që duken në disa vende, si edhe situatat e rënda humanitare në të cilat gjenden popullsitë më të përfshira në konflikte, iu kërkua gjithashtu solidaritet bashkësisë ndërkombëtare鈥�. "Shpresohet - lexohet më tej në komunikatën e Selisë së Shenjtë - që zjarri në të gjitha frontet të ndalet sa më shpejt dhe Lindja e Mesme të jetë një tokë paqeje, ku të krishterët mbeten një komponent thelbësor për bashkëjetesën vëllazërore midis feve të ndryshme dhe për përparimin e vendeve të tyre".
Telefonatë me presidentin e sapozgjedhur libanez
Në të njëjtën kohë, Salla e Shtypit e Vatikanit njoftoi se Sekretari i Shtetit të Selisë së Shenjtë, kardinali Parolin, foli dje pasdite me Joseph Aoun, presidentin e ri të Libanit, zgjedhur më 9 janar. 鈥淕jatë bisedës së përzemërt telefonike 鈥� nënvizohet në komunikatë 鈥� Shkëlqesia e tij Parolin i shprehu urimet më të mira për zgjedhjen si president i Republikës së Libanit dhe e siguroi për lutjet e tij. Gjithashtu, me kënaqësi, vuri në dukje emërimin, në kohë të shkurtër, të kryeministrit të Libanit, zotit Nawaf Selam鈥�.
