蜜桃交友

HEBDÓMADA PAPÆ

NOTÍTIÆ VATICÁNÆ LATÍNE RÉDDITÆ

Die sexto mensis Iúlii anno bismillésimo vicésimo quarto

TÍTULI

In sollemnitáte Sanctórum Petri et Páuli Póntifex ait: 鈥淓cclésia ac socíetas sunt aedificándae, iánuis paténtibus鈥�.
In Angélica Salutatióne die praetérita domínica Francíscus ásserit: 鈥淣on pudet Deum nostri, nos non iúdicat鈥�.
De precatióne mense Iúlio dicénda et apud mundiále rete diffúsa sic enuntiátur: 鈥淧astorális ópera infirmórum鈥�.
Salútem plúrimam ómnibus vobis auscultántibus núntios Latínos dicit Eugénius Murrali.

NOTÍTIAE

Sollémnis Missa celebrátur aeque ac Salutátio Angélica recitátur, festivitáte interveniénte sanctórum Petri et Páuli, Romae patronórum, qui praeclárum evangelizatiónis praebuérunt exémplum. Refert Mónia Parente.

鈥淒uos apóstolos respiciámus Petrum et Paulum, Galil墙ae piscatórem, quem Iesus hóminum piscatórem réddidit; et pharis墙um Ecclésiae persecutórem, qui per Grátiam géntium evangelizátor est factus鈥�. Sic Pontíficis íncipit homília in Sollemnitáte sanctórum apostolórum Petri et Páuli, in basílica papáli Sancti Petri celebráta. Ínibi quadragínta duóbus archiepíscopis metropólitis, infra postrémum annum nominátis, Póntifex pállium trádidit, quos hortátus est Francíscus, ut 鈥渟ollíciti essent pastóres, qui [鈥�] óperam darent Ecclésiae aedificándae ac societáti, paténtibus iánuis鈥�. Missam est consecúta Angélica Salutátio in Petriáno Foro, ubi sensum explicávit Francíscus Papa clávium Regni, Petro demandatárum: 鈥淎uctóritas est servítium, quae si non servit in dictatúram evádit鈥�, quóniam apóstoli missio est 鈥渃unctos adiuváre ut ingrediéndi viam repériant鈥�. Post Angélicam Salutátionem Romános salutávit Papa eísque pro magna florum exornatióne grátias egit.

In Angélica Salutátione die domínica evangélicam narratiónem collustrávit Francíscus de haemorrhoíssa sanáta et Iáiri fília a mórtuis excitáta. Refert Alexánder de Carolis.

鈥淓cclésia opus est ac societáte, quae néminem seiúngant, quae néminem 鈥渋mpúrum鈥� arbitréntur, ut unusquísque sua cum história, recipiátur et amétur sine notis nec praeiudíciis, ómnibus detráctis adiectívis, amétur鈥�. Férvidis his verbis Francíscus Papa Evangélium collustrávit secúndum Marcum (Mc 5,21-43) atque est argumentátus per utrámque sanatiónem, per tactum factam, sensum quo quis et tangit et tángitur, Deum éxprimens hóminum dolórem attingéntem sine personárum acceptióne. Post Angélicam Salutatiónem íterum est locútus Póntifex de pace conciliánda in Ucraína, Palaestína et Myanmár ceterísque passiónis locis: 鈥淪acrum Iesu Cor implorémus ut illórum móveat corda qui bellum cúpiunt, et ipsi ad diálogi pacísque propósita convertántur鈥�.

NOTÍTIÆ BREVÍSSIMÆ

 鈥淚nfirmórum Únctio et 鈥榮anatiónis, curatiónis sacraméntum鈥�, quod spíritum sanat鈥� atque non modo 鈥減ro moritúris鈥�. Id enodávit Francíscus per núntium televisíficum quem mundiále Rete precatiónis Pontíficis mense Iúlio evulgávit.

Die áltero mensis Iúlii quosdam migrántes recépit Papa, comitátos inter céteros, a reveréndo Matthía Ferrari. Primas partes egérunt duo iúvenes, scílicet Abrámus Lo ex Senegáli oriúndus, qui per Líbyam tránsiit, et Ebrima Kuyateh, ex Gámbia oriúndus, qui libros de suis tristis vícibus edidérunt.

Legatiónem recípiens Patriarchátus Oecuménici Constantinopolitáni, in festivitáte sanctórum Petri et Páuli, Primi Concílii Oecuménici anniversárium memorávit Póntifex, próximo anno recenséndum, atque Bartholom墙o grátias réttulit de invitatióne eiúsdem una celebrándi in locis, ubi actum est.

Nihil opus est plura; eventúra, próxima hebdómada.