蜜桃交友

鈥淗EBDÓMADA PAPAE鈥�
NOTÍTIAE VATICÁNAE LATÍNE RÉDDITAE

Die sexto mensis Aprílis anno bismillésimo vicésimo quarto

(TÍTULI)

Hebdómada Sancta Póntifex ac fidéles paschale tempus egérunt pacem spemque postulántes.
In Generáli Audiéntia Francíscus exóptat 鈥渋ustam pacem pro funestátis bello natiónibus鈥�.
Apud Natiónes Unítas Sancta Sedes atómicum apparátum terríficum réspuit, 鈥渟i arma praesto sunt, eórum usus sollicitátur鈥�.
Salútem plúrimam ómnibus vobis auscultántibus núntios Latínos dicit Eugénius Murrali.

(NOTÍTIA 1)

Peculiáre Páschatis tempus cunctis christiánis ac Pontífici eníxe precándi dat cópiam. Refert Alexánder De Carolis.

Ritus Hebdómadae Sanctae hoc precípuo témpore Pontíficis fideliúmque dies metíri voluérunt. Quinta Féria in Cena Dómini, post chrismálem Missam mane celebrátam, in feminárum cárcere Rebíbbiae postmerídiem fuit Francíscus, ubi Missam celebrávit in Cena Dómini ipséque captivárum ábluit pedes diversárum religiónum ac natiónum. Vénia praecípuum fuit huius occúrsus arguméntum. Féria Sexta in Parascéve, Dómini Passióni in Sancti Petri Basílica praesédit Francíscus, cardinále Rainério Cantalamessa contionatóre. Vésperi ex Sanctae Marthae domo Viam Crucis spectávit Póntifex apud Anphitheátrum Flávium procedéntem, cuius meditatiónes ipse scripsit, ex Precatiónis anno háustas. Cum pascháli vigíliae praesíderet, sábbato, hortátus est Francíscus ne in formídinum et amaritúdinum sepúlcrum concluderémur. Die domínico ante templum Sancti Petri Póntifex Missam celebrávit idémque nuntiávit Christum resuscitátum frequéntibus fidélibus et Urbi et Orbi, íterum addens quod 鈥減ax numquam armis, sed passis mánibus apertísque córdibus conciliátur鈥�. Párvulis patiéntibus potíssimum suam ipse mentem convértit. 

(NOTÍTIA 2)

鈥淚ustítia鈥� in Francísci catechési praecípuum óbtinet locum in Audiéntia Generáli die praetérito Mercúrii apud Petriánum Forum. Refert Catharína Agorelius.

Per catechésim cardinális virtútis iustítiae, plane argumentátus est Póntifex quemádmodum ipsa 鈥減atefáciat 鈥� et in cor necessitátem íngerat 鈥� nullum esse mihi bonum, nisi esse ómnibus bonum鈥�. 鈥淎bsque iustítia non datur pax鈥�, idque confirmávit. Audiéntiae Generális sub finem septem cooperatóres institutiónis, World Central Kitchen ánglice appellátae, memorávit Francíscus Papa, qui interiérunt Israelítico drone, ut áiunt, percúlsi atque íterum iterúmque mónuit ut in Gazae solo arma silérent. Exínde Rosárium et Novum Testaméntum demostrávit Póntifex, quae ad Alexándrum pertinueréunt, Ucraínum mílitem, qui vigínti tres annos natus périit, idémque Francíscus dixit: 鈥淒e eo ac tot áliis iuvénibus cogitántes sileámus. Bellum magnam ducit ruínam鈥�.

(NOTÍTIAE BREVÍSSIMAE)

Excellentíssimus Gábriel Caccia, pérmanens Observátor apud Natiónes Unítas, coram Commissióne eiúsdem Institutiónis de armis adiméndis, septuagésimae octávae sessiónis generális Convéntus témpore Novi Ebóraci agéndi, asséruit 鈥渁rma fidúciam adímere et opes avértere, confírmans apparátum terríficum reícere Sanctam Sedem.

Die tértio mensis Aprílis evulgátus est El Sucesor, scílicet liber mútuae percontatiónis ac responsiónis inter Pontíficem ac diurnárium Xavérium Martinez-Brocal. De Ratzinger dixit Póntifex: 鈥淪emper me túitus est, numquam se interpósuit鈥�.

鈥淯t in unoquóque cultu feminárum dígnitas earúmque facultátes agnoscántur utque deponántur discrímina quae váriis in locis terrárum orbis ipsae patiúntur鈥�, est arguméntum Pontíficis precatiónis mense Apríli, quod Mundiále Precatiónis Rete diffúdit.

Haec háctenus, nova audiétis próxima hebdómada.