蜜桃交友

                                                       鈥淗EBDÓMADA PAPAE鈥�
                                           NOTÍTIAE VATICÁNAE LATÍNE RÉDDITAE
                  Die vicésimo séptimo mensis Ianuárii anno bismillésimo vicésimo quarto

TÍTULI

Ad Francísci mentem avarítia est cordis morbus. Ad sepúlcrum coacerváta nobis bona non deférimus.
Póntifex ait: Dei Verbum amplectámur. Idem in Angélica Precatióne: in Evangélio testificándo non amíttitur tempus.
A Francísco Papa Precatiónis Annus incohátur Iubil墙um paratúrus.

Salútat ex ánimo vos omnes núntios Latínos auscultántes Catharína Agorélius.

NOTÍTIAE

In Generáli Audiéntia sériem prodúxit Póntifex de vítiis ac virtútibus catechésium: post gulam ac luxúriam, Mercúrii hoc die de avarítia egit. Lóquitur Rosárius Tronnolone.

鈥淢áncipes esse póssumus possessórum bonórum, at saepe contrárium évenit: ipsa tandem nos óccupant鈥�. In Audiéntia Generáli, die quarto et vicésimo mensis Ianuárii, Francíscus catechésium sériem vitiórum virtutúmque enodáre perréxit, de peccáto dísserens pecúniae tenáciter reténtae, quod tam multa bona hábentes réspicit quam páuca. 鈥淎varítia 鈥� áddidit Póntifex 鈥� spécies est quaedam pecúniae tenáciter retinéndae quae liberalitátem ímpedit鈥�, monens ínsuper coacerváta bona nos in sepúlcrum non delatúros 鈥� divítiae per se non sunt peccátum, ipse est argumentátus, sed certe nostram complectúntur offícii consciéntiam. Inde óritur cohortátio ut vígiles simus et in omnes item liberáles, appríme in indigéntes.

Missae praesédit Papa Francíscus in papáli Basílica Sancti Petri die Domínico quinto Verbi Dei, quem ille instítuit anno bismillésimo undevicésimo. Ex homília fidéles hortátus est Póntifex ut Evangélium semper secum ferrent. Refert Mónia Parente.

Missae praesédit Francíscus in papáli Basílica Sancti Petri die Domínico quinto Verbi Dei, quem instítuit Francíscus Papa anno bismillésimo undevicésimo per Lítteras apostólicas Apéruit illis. Huius anni arguméntum est 鈥淢anéte in sermóne meo鈥� (cfr Io 8,31). Ex homília fidéles hortátus est Póntifex ut Evangélium semper secum ferrent, in sinu vestis, in bulga, in telephoníolo, ad fontes regrediéntes, saliéntem aquam mundo datúri, quam iste non réperit. Dum sociétas ac sociália communicatória verbórum vim amplíficant, mónuit Póntifex, nos Verbi, salútem feréntis, lenitátem amplectámur. Exínde apud Forum Petriánum in Angélica Salutatióne planum fecit Póntifex Evangélium nuntiáre non est amíttere tempus, sed álios iuváre ut sint laeti.  

NOTÍTIAE BREVÍSSIMAE

鈥淎nnus ad magnum bonum detegéndum et ad summam precatiónis necessitátem dicátus鈥�. Angélica Precatióne ad finem addúcta, die Domínico Verbi Dei, Francíscus Papa Precatiónis Annum incohávit ad Iubil墙um parándum anni bismillésimi vicésimi quinti. Dicastérium de Evangelizatióne sériem evulgábit, cuius títulus 鈥淎dversária precatiónis鈥�.

In núntio de duodesexagésimo Die Mundiáli Communicatiónis Sociális, Francíscus dísserit de opportunitáte periculísque intellegéntiae artificiális et novárum item technologiárum, quae 鈥渘úntios tradéndos fúnditus commútant鈥�.

Haec dicénda putávimus; eventúra, próxima hebdómada.