蜜桃交友

鈥淗EBDOMADA PAPAE鈥�

Notitiae Vaticanae Latine redditae

Die decimo secundo mensis februarii anno bismillesimo vicesimo secundo

TITULI

Pontíficis senténtia: suscipiénda est mors, non autem ministránda. Hóminis non est sénibus eándem 鈥渁cceleráre鈥�.

Francíscus allóquitur in emissióne Públicae Administratiónis radiotelevisíficae Itálicae: «Vénia est ius humánum».

De abúsibus Papa eméritus: dédecus, dolor ac sincére vénia peténda.

Salútem plúrimam ómnibus vobis auscultántibus núntios latína lingua prolátos dicit Catharína Agorelius.

NOTÍTIAE PRAECÍPUAE

In catechési intra Audiéntiam Generálem data et Sancto Ioseph «bonae mortis» patróno dicáta, grátias egit Francíscus de medicamentórum progréssibus, áddens autem: «Vita est ius, non mors». Lóquitur Rosárius Tronnolone.

Sanctus Ioseph «bonae mortis» patrónus nos monet «vitam ius esse, non autem mortem, quae suscipiénda est, néutiquam ministránda. Quod ad omnes áttinet, non ad christiános tantum vel credéntes». Francíscus Papa in Audiéntia Generáli die nono mensis Februárii vicésimam catechésim suam extrémis putatívi Iesu patris tempóribus vitae dicávit. Idem Póntifex effátus est mortem nobis esse comitándam, numquam accelerándam, addens quod euthanasía et mors voluntária adiuváta «recusándae» sunt, quóniam «vita ius est». Post catechésim grátias réttulit Póntifex ómnibus, qui die vicésimo sexto praetériti mensis Ianuárii oravérunt pro pace in Ucraína et item quaesívit Deum orare, ut «verus diálogus» obtineátur.

Emissiónem televisíficam partícipans, cui Itálica loquéla títutlus Che tempo che fa, die sexto mensis Februárii, Póntifex cum eiúsdem emissiónis ductóre de váriis rebus diálogum instítuit. Refert Monia Parente.

«Facúltas véniae obtinéndae humánum est ius. Ius véniae obtinéndae habémus omnes, dúmmodo ipsi véniam petámus». E Domo Sanctae Marthae cum emissióne televisífica itálica, quae Che tempo che fa appellátur, Públicae Administratiónis radiotelevisíficae Itálicae, se conéxuit Summus Póntifex atque de váriis arguméntis disséruit: vidélicet de migrántibus, de rerum natúra servánda, de necessitúdine inter paréntes ac fílios, de malo ac dolóribus, de precatióne, de Ecclésia futúra, de amicórum necessitáte ac de bello, quod 鈥� dixit Póntifex 鈥� «áliquid est creatióni prorsus contrárium». Cum Ipse interrogarétur quómodo tot dolórum narratiónes, sibi relátas, sustinére posset, respóndit: «Non sum solus, tota Ecclésia me ádiuvat».

NOTÍTIAE BREVES

«Nos ipsi in hanc máximam culpam tráhimur, cum eam non obímus necessário cum ánimo firmo et offícii gravitáte»: hanc mentem in epístula ad fidéles Papa eméritus Benedíctus sextus décimus de abúsibus in Monacénsi et Frisingénsi archidioecési osténdit.

«Tempus non est neglegéntiae: aut fratres sumus aut ómnia dilábitur», dixit Francíscus Papa in núntio televisífico ad secúndum Diem mundiálem de Humána Fraternitáte misso, qui apud Expositiónem in urbe Dubaio per collóquium actus est, cui interfuérunt Cardinális Ayuso ac partícipes Alti Comitátus ad Documéntum promovéndum constitúti, quod abhinc tres annos subsignavére Abu-Dábii Summus Póntifex et Magnus Imámus Al Azhar.

Haec háctenus, nova próxima hebdómada.