蜜桃交友

"HEBDÓMADA PAPAE鈥�

Notítiae Vaticánae Latíne rédditae

Die vicésimo secúndo mensis Ianuárii anno bis millésimo vicésimo secúndo

(TÍTULI)

Per Vaticána instruménta communicatiónis sociális percontántibus respóndet Summus Póntifex: paréntes qui quibuscúmque provocatiónibus pro fíliis occúrrunt sunt heróes.

Donum ut obtineátur communiónis inter christiános precátur Francíscus.

Adiuménta a Pontífice Philippínis atque migrántibus in Bielorússiae fínibus subministrántur.

Salútem plúrimam ómnibus vobis auscultántibus núntios Latína lingua prolátos dicit Catharína Agorelius.

(NOTÍTIAE PRAECÍPUAE)

Per instruménta Vaticána communicatiónis sociális percontántibus respóndet Summus Póntifex: cum virus coronárium íngruit, de iis qui líberos peperérunt est locútus Francíscus, idémque sancti Ioseph affert testificatiónem, qui hodiérnis paréntibus exémplar est fortitúdinis ac lenitúdinis. Lóquitur Alexánder de Carolis.

鈥淚oseph fúlgidus est testis obscúris tempóribus鈥�: id dixit, per Vaticána instruménta communicatiónis sociális percontántibus respóndens Francíscus Papa, et ex imágine háuriens sancti Ioseph ac paréntis arguménto. Profitétur Francíscus prorsus se laborántibus famíliis esse próximum quae in difficílibus difficultátibus versántur, quas potíssimum coronárium virus gravióres reddit. 鈥淔atémur 鈥� suo in núntio inquit 鈥� eius imáginem, pulchre quidem ac singuláriter, osténdere quae débeat esse unicuíque nostrum christiána fides鈥�. Peculiáris annus de sancto Ioseph die octávo praetériti mensis Decémbris ad finem est addúctus, at Francísci Papae de putatívo Iesu patre considerátio in catechésium série Audiéntiae generális prodúcitur, die séptimo décimo praetérito incoháta.

Audiéntiae generális témpore, die undevicésimo mensis Ianuárii, post precatiónis hebdómadam incéptam, 鈥渦numquémque baptizátum鈥� íterum est cohortátus Póntifex ut oecuménicum iter sustinéret. Refert María Milvia Morciano.

Cum Audiéntiae generális catechési finis imponerétur die undevicésimo mensis Ianuárii, Póntifex precatiónis Hebdómadam pro Christianórum Unitáte, quae die duodevicésimo mensis Ianuárii incépit, cuíque die vicésimo quinto mensis Ianuárii in Papáli Basílica Sancti Pauli extra m舱nia finis a Pontífice imponétur. Perspícue patefécit Francíscus 鈥渃uiúsque baptizáti鈥� esse offícium id 鈥渋n se recípere鈥� quod Dei Fílius cupiébat: 鈥淯t omnes unum sint鈥�. Oecuménicam Fínnicam legatiónem admíttens, quae Romam venit ad precatiónis Hebdómadam agéndam, vota fecit ut 鈥渦na simul鈥� iter susciperémus, sicut 鈥減eregríni ad plenam unitátem鈥�, quómodo est dictum in salutatióne Angélica, die domínico sexto décimo鈥�. 鈥淢etam magis attíngimus quo inténtius contúitum in Iesu defígimus, uno nostro Dómino鈥� atque offérimus 鈥渘ostros labóres nostrásque aegritúdines ad christianórum unitátem adipiscéndam.

(NOTÍTIAE BREVÍSSIMAE)

Státuit Francíscus Papa ad Philippinárum Ecclésiam destináre centum mília eurórum, ut infésti túrbinis Rai consectária levaréntur, atque eándem pecúniae vim ad Polónam institutiónem, quae est Cáritas, trádidit, ut homínibus subvenirétur qui in locis claudúntur prope Bielorússiae fines. Audiéntiae generáli finem impónens Póntifex pro gente Tongae est precátus, vulcáni conflagratióne affécta.

Haec háctenus, próxima hebdómada dénuo ad vos.