蜜桃交友

HEBDOMADA PAPAE

Notitiae Vaticanae Latine redditae

die sexto novembris anno bis millesimo vicesimo primo

(6 novembre 2021)

(TÍTULI)

Póntifex congressióni COP vicésima sexta: de caeli statu coadunátio quaedam certa ac speráta pr?beat.

In sollemnitáte Ómnium Sanctórum Francíscus recordátur sanctitátem laetítiam esse, non conátus modo ac labóres.

Occasiónem nactus congréssus qui « G vigínti » vocátur, Póntifex in Civitáte Vaticána recépit Américae Septemtrionális Pr?sidem atque Índiae primum Minístrum.   

Salútem plúrimam ómnibus vobis auscultántibus dicit Cathárina Agorelius et bene felicitérque sit vobis audiéntibus núntios Latína língua prolátos.

(NOTÍTIAE PRAECÍPUAE)

Núntius audio-televisíficus, quem Británnica Socíetas emissiónum audio-televisificárum seu vulgo BBC transmísit, una cum precatióne post Salutatiónem Angélicam hábita ac verbis quibúsdam ad Conferéntiam de caeli statu tráditis, ex incéptis est quae Coadunátio COP vicésima sexta Glasguénsis effécit ut Póntifex superióribus diébus ágeret ad acta commúnia suscipiénda ac participánda in praesénti discrímine. Lóquitur Alexánder De Carolis. 

«Perfécta tempéstas» est, quam caeli status commutátio attulérunt et virus item coronárium, quae societátis víncula frangit, vária discrímina ínferens, scílicet sanitátis, naturális ámbitus, alimentórum, oeconómiae, societátis, humanitátis, éthicae. Haec imágo est quam Francíscus elégit, audio-televisíficum núntium transmíttens intra radiophónicam sériem cui Ánglice título Thought of Day seu «Cogitátio diéi» Britannicae Societátis emissiónum audio-televisificárum, in pervigílio Conferéntiae pártium (COP vicésima sexta) Pactiónis generális Natiónum Unitárum de caeli status mutatióne, quae Glásguae in Scótia die tricésimo primo incoháta est et ad diem duodécimum mensis Novémbris prodúcitur. Suum per núntium, a Cardinále Secretário Status Petro Parolin prolátum, qui ipse Glasgóviae ádfuit, Póntifex íterum confirmávit «non ámplius dari tempus», nunc consília esse capiénda, ut novis generatiónibus fidúciae causae de futúro tribueréntur.

In Salutatióne Angélica in sollemnitáte Ómnium Sanctórum recordátur Francíscus sanctitátem esse recípere ac revéra dilígere. Ipse Missae praesédit Romae in coemetério castrénsi Francogállico. Refert Monia Parente.

In mariáli precatióne Sollemnitátis Ómnium Sanctórum, Póntifex asseverávit «fidem sine laetítia grave oppriménsque exercítium fíeri eámque aegrotándi perículum adíre ob tristítiam». Áddidit ínsuper sanctitátem esse recípere et experíri, Deo suffragánte, prophetíam Beatitúdinum «quae mundum evértunt». Post precatiónem Francíscus in salutatióne enuntiávit coemetérium castrénse Francogállicum Romae se aditúrum postrídie kaléndas Novémbres in commemoratióne Ómnium Fidélium Defunctórum, orátum pro ómnibus defúnctis, in primis pro víctimis belli et violéntiae causa interémptis. De sanctis etiam est brevilóquium, quod refert cochléola Póntifex: «qui saepe parvi sunt óculis mundi, eum revéra sústinent, non pecúniae potestatísque armis, sed precis».

(NOTÍTIAE BREVÍSSIMAE)

Summus Póntifex quosdam terrárum orbis primóres recépit, qui Romam venérunt congréssus G vigínti partícipes diébus tricésimo et tricésimo primo mensis Novémbris, scílicet Pr?sidem Coréae Austrális Moon Jae-in, quocum de pace est locútus in Coreána Paenínsula, et Narenda Modi, Índiae primum Minístrum, qui Pontíficem ad Natiónem viséndam invitávit. Multum ac diu est locútus cum Iosépho Biden, Foederatárum Civitátum Américae Septemtrionális Praeside, clausis iánuis, de caeli statu, de hodiérna pestiléntia, de migrántibus deque libertáte consciéntiae.

Haec háctenus. Próxima hebdómada rursus adérimus.