蜜桃交友

"HEBDOMADA PAPAE鈥�

Notitiae Vaticanae Latine redditae

Die septimo mensis Decembris anno bis millesimo undevicesimo

Evulgatae sunt Litterae Apostolicae Papae, quibus titulus 鈥淎dmirabile signum鈥�, ad confirmandam notionem ac pondus Praesepis.

Franciscus scribit ad COP Viginti Quinque, ad congressionem vidélicet de mutationibus caeli status, et dicit: sumus coram provocatione humani civilísque cultus.

Cardinalis Krajewski quosdam profugos ex insula Lesbos in Italiam comitatur.

Ómnibus vobis audiéntibus salútem imo ex corde dicit Catharína Agorelius, quae hanc editiónem nuntiórum Latína língua prolatórum confert.

(REPORTAGENS)

Occasione visitationis specus in Greccio, ubi sanctus Franciscus Assisiensis primam comparavit imaginem nativitatis Iesu, die dominica praeterita Papa Franciscus  Litteras Apostolicas subsignavit, quae inscribuntur Admirabile signum, quibus quaerit ne traditio praesepis deminuat. Agit Helena Astorri:

鈥淎dmirabile signum praesepis, christiano populo carissimum, semper stuporem admirationemque suscitat鈥�: hoc modo incipiuntur Litterae Apostolicae Admirabile signum, de notione ac pondere praesepis, quas Papa Franciscus die dominica praeterita subsignavit, scilicet Dominica prima Adventus, in visitatione in Greccio, ubi sanctus Franciscus Assisiensis anno millesimo ducentesimo vicesimo tertio primam imaginem praesepis comparavit. 鈥淒um scaenam Nativitatis Domini contemplamur 鈥� scribit Papa 鈥� invitamur ad spiritale iter incipiendum, humilitate attracti Illius qui homo factus est ut omni homini occurrere posset鈥�. Sanctus Pater promovére vult ubicúmque traditionem praesepis 鈥� in familia, in officina, in scholis, in carceribus 鈥� et concludit: nihil nostra ínterest scire ea quomodo sit aedificandum; oportet praesepe  鈥渧itae nostrae loquatur鈥�.

In nuntio participibus misso Congressionis Nationum Unitarum quae Matriti a die secundo ad diem decimum tertium Decembris evénit, singularis cura animadvertitur Pontificis de mutationibus caeli status, quas vocat 鈥渦nam ex praecipuissimis provocationibus pro humanitate鈥�.  Franciscus invítat ad operam omni ope explendam ut futuris generationibus 鈥渃ausae spei鈥� offerantur. Refert nobis Marius Galgano:

Provocationem suscipimus fundamentalem, illam scilicet de mutatione caeli status, tamen verba ab actionibus definítis usque amovéntur: hoc scribit Papa in nuntio participibus misso Congressionis Nationum Unitarum de caeli status, quae Matriti in praesens évenit. Franciscus curam demonstrat de mutationibus caeli status, quam definit veluti 鈥渦nam ex praecipuissimis provocationibus pro genere humano鈥�. Papa iterum in lucem ponit necessitatem perveniendi ad proposita quae in Pacto Parisiensi firmata sunt et sollicitat ne haec occasio amittatur 鈥渢uendae communis nostrae domus鈥� et spei praebendae futuris generationibus.

(NEWS

Si unaqueque paroecia hospitio unam familiam profugorum accipit, sicut Papa desiderat, 鈥渋n insula Lesbo neminem inveniemus鈥�. Hoc dixit eleemosynarius Pontificis, cardinalis Conradus Krajewski, qui modo ex insula graeca in Italiam reversus est una cum quibusdam asylum rogantibus. Purpuratus cardinales, episcopos ac sacerdotes adhortatus est ad aperiendas ianuas domuum, canonicarum, palatiorum: exstat spatium, dixit ille, exstant etiam subsidia.

Simul cum celebrationibus initii Adventus, die undetricesimo mensis Novembris, in Terra Sancta pervénit reliquia Sacrarum Cunarum, a Papa Custodiae Franciscanae in Bethlehem oblata.

Haec ómnia sunt pro hac editione, conveniémus íterum hebdómada próxima.