蜜桃交友

鈥淗EBDOMADA PAPAE鈥�

Notitiae vaticanae latine redditae

Die duodetricesimo mensis Decembris anno bis millesimo undevicesimo

(Manchetes)

Nuntius Papae in Nativitáte Dómini: Christus sit lux pueris víctimis belli.

In homília Missae in Nativitáte Dómini Papa recordátur nos, ne exspectémus Ecclésiam perféctam ad eam amándam.

Papa et duo moderatóres pópuli christiáni sperant brevi témpore Sudániam Austrálem invisére.

Ómnibus vobis audiéntibus salútem imo ex corde dicit Márius Galgano, qui hanc editiónem nuntiórum Latína língua prolatórum confert.

(Reportagens)

Papa Francíscus in nuntio in Nativitáte Dómini dato, qui antecédit Benedictiónem sollémnem Urbi et Orbi, recordátur lucem Púeri nascéntis maiórem esse quam ténebras in córdibus hóminum et in bellis. Agit Christina Seuss:

Papa a Christo petit, ut lux sit tantis púeris, qui patiúntur in bellis et contentiónibus in Médio Oriénte ac in divérsis Natiónibus mundi necnon solácium pópulis Syriae, Terrae Sanctae, Ucraínae et Reipúblicae democráticae Congénsis, magnis discrimínibus in Líbano et Venetíola, illis qui vexáti sunt fidei causa atque iis, quibus necésse est 鈥渕igráre in spe vitae securae鈥�. Parvus Puer in Béthlehem, procédit Francíscus, spes sit 鈥渃uncto Continénti americáno, ubi váriae Natiónes hodie degunt tempus perturbatiónis políticae et sociális鈥�.      

Occasióne Missae in nocte in Sollemnitáte Nativitátis Dómini in Basílica Vaticána celebrátae, Franciscus recordátur amórem Dómini haud negotiatórium esse. Genus humánum, dicit Papa, nondum solum est, quia Deus homo factus est. Refert nobis Hélena Astorri:

Coram 鈥渁ménti鈥� caritáte Iesu excusatiónes non exstant: non praestolámur, affírmat Papa, dum próximus noster 鈥減robus fiat鈥� ad ei benefaciéndum vel dum Ecclésia perfécta sit ad eam amándam. Sanctus Pater exhortátur nos, ut donum fiámus: ita, éxcitat Papa, nos ipsos commutábimus tantúndem et Ecclésiam. Natívitas Dómini nos recordátur, interpretátus est Póntifex, Deum omnem hóminem amáre, 鈥渆tiam hunc peiórem鈥�. Francíscus in homília recordátur etiam illum Púerum, de quo Evangélia narrant, in praesépi positum in nocte gélida ac tenebrósa, luce autem divína illumináta, sínere se ab ómnibus, indiscrepánter, bráchiis comprehéndi.  

(News)

Papa Francíscus, Primas Anglicánus et olim Moderátor Ecclésiae presbyteriánae Scótiae núntium coniúnctum misérunt occasióne Nativitátis Dómini et Anni Novi, Praésidi Reipúblicae Sudániae Austrális Kiir ac praeposito advérsae partis Machar. Orémus Christum, scribunt, 鈥渦t renovétur munus in itínere pacis鈥� et 鈥渇íeri possit visitátio nostra鈥� ad hanc terram diléctam.

Occasióne suéti occúrsus omínibus pro Nativitáte Dómini expriméndis, Francíscus locutus est Cúriae Románae de mutatiónibus institutiónum vaticanárum curréntibus atque expréssit sensum propositáque novórum dicasteriórum. Mutámus, dicit Papa, ad rigóres pavorésque vincéndos et ad mélius Evangélium nuntiándum mundo mínime christiáno núntio viduáto.

Haec ómnia sunt pro hac editióne, conveniémus íterum hebdómada próxima.