Папата: Страсната седмица е благодатно време за отворање на нашите срца
Мерида е еден од градовите во Шпанија богат со римски споменици, толку многу што го нарекуваат „шпански Рим“. Основан е како воена колонија за ветерани на Август во 25 п.н.е., а во него се наоѓаат Трајановата арка, Римскиот мост, храмот на Дијана и Римскиот амфитеатар. И токму околу овие места се одвиваат процесии со Крстен пат за време на Страсната седмица.
Духовно поврзан со Мерида
Во видео пораката упатена до бројните локални братства кои ги промовираат овие верски настани, Папата истакна дека многу малку градови ги имаат преживеано деновите што ја променија историјата на човештвото во средина стара повеќе од две илјади години, современици на Господвите страдања. Папата ја вети неговата духовна близина со сите оние кои ќе ги искусат Господовите страдања во Мерида:
Оваа година, кога ќе учествувам во молитвата Крстен пат во Римскиот Колосеум, ќе се сетам на вас кои исто така ќе молите во импресивниот римски амфитеатар Мерида, кој ќе прифати бројни верници од целиот свет.
Светата недела не е претстава
Надбискупијата Мерида-Бадахос, нагласи папата Фрањо, слави посебна јубилејна година посветена на Света Еулалија, девојче маченик „чиј култ Мерида ја направи лулка на христијанството во шпанското говорно подрачје и дестинација за ходочестие“. Во пораката, потсетува дека „прикажувањето на страдањата Исусови не е претстава, туку навестување на нашето спасение, и затоа мора да остави свој белег.'
Пред Бога сите се чувствуваме како сестри и браќа
За време на Страсната седмица, Папата во видео пораката истакнува дека е „потребно да се посвети време за молитва“, за Словото Божјо и да земеме пример од Самарјанецот, „кога ќе се соочиме со ранет брат“. Цитирајќи некои делови од овогодинешната порака за Великиот пост, Папата вели:
„Љубовта кон Бога и љубовта кон ближниот се една иста љубов. Да немаш други богови значи да останеш во Божјото присуство, да застанеш со својот ближен од крв и месо. Затоа молитвата, милостината и постот не се три независни дејства, туку едно единствено движење на отвореност и самооткажување во кое ќе ги отфрлиме идолите што нè оптоваруваат и наврзаностите што не попречуваат и не држат заробени
Отворете го срцето и допрете до другите
Седмицата која претходи на Воскресението „е благодатно време кое ни го дава Господ за да ги отвориме вратите на нашите срца“ и на нашите заедници, нагласува Папата:
„Да се отвориме и да излеземе: Тоа е она што се бара од нас за време на Страсната седмица, да ги отвориме нашите срца и да одиме кај Исус и кај другите, а истовремено да ја носиме светлината и радоста на нашата вера; Секогаш треба да излегуваме! И тоа мора да го правиме со Божја љубов и нежност, со почит и трпение, знаејќи дека ги нудиме рацете, нозете, срцето, но Бог е тој што нè води и ни го покажува патот“.
Молитва за семејствата и оние во тешкотии
Папата Фрањо ја заврши својата порака до Братствата на древниот шпански град со посебна мисла за семејствата „кои имаат болен“, за оние кои се сами, за оние кои доживуваат економски тешкотии и на крајот за младите луѓе „кои се сегашноста и иднината' на самите братства на Мерида.
