Інтэрв’ю Алексіевіч у ватыканскім жаночым часопісе
Аляксандр Амяльчэня - Pope
Карэспандэнтаў L'Osservatore Romano Нобелеўская лаўрэатка прымае ў сваёй берлінскай кватэры. Маятнік на сцяне адбівае рытм глыбокай размовы пра самае галоўнае – пра жыццё, любоў і будучыню чалавецтва.
"Без любові мы не можам ні вярнуцца назад, ні рухацца наперад", - гаворыць пісьменніца, падкрэсліваючы, што менавіта любоў з'яўляецца асновай для адраджэння і аднаўлення.
На працягу размовы яна неаднаразова вяртаецца да тэмы духоўнасці і гуманістычных каштоўнасцей, з трывогай адзначаючы, што за апошнія дзесяцігоддзі адбылася значная рэгрэсія ў тым, як чалавек успрымае пачуцці і духоўны свет.
"Чалавек спрасціў усё, адмовіўся ад гуманістычнай адукацыі на карысць навуковай і тэхнічнай. Але без гуманістычных ведаў мы забываем пра тыя якасці, якія вызначаюць сутнасць чалавека", - заўважае Алексіевіч.
Асаблівае месца ў размове займае тэма рэлігіі і веры. Пісьменніца з павагай гаворыць пра ролю Каталіцкага Касцёла ў падтрымцы людзей у складаныя часы, прыгадваючы, як святары адкрывалі дзверы храмаў для тых, хто меў патрэбу ў дапамозе.
Алексіевіч падкрэслівае, што чалавецтва павінна вярнуцца да рэлігійных каштоўнасцей і веры ў будучыню. На яе думку, мы ўсе з'яўляемся ахвярамі большай крыўды – той, якую чалавек учыніў супраць жыцця. Таму сёння ўжо не мае сэнсу адчуваць сябе толькі рускімі ці беларусамі – усе мы павінны аб'яднацца ў павазе да жыцця ва ўсіх яго праявах.
Поўны тэкст размовы чытачы змогуць знайсці ў , які выйдзе 1 лютага 2025 года.
