Дзяржсакратар: спыненне агню ва Украіне неабходна і магчыма
Аляксандр Амяльчэня - Pope
Першае, што трэба зрабіць, – прымусіць змоўкнуць зброю, адзначыў кіраўнік дыпламатыі Святога Пасада. Ён нагадаў аб тым, што міжнародная супольнасць мае місію “суправаджаць і спрыяць” працэсу спынення агню, але не праз пагрозы, а “праз жэсты даверу і добрай волі, якія ствараюць умовы для дыялогу і адкрываюць шлях да перамоў”. Папа выразна выказаў сваю пазіцыю па гэтым пытанні.
Кардынал Паралін таксама распавёў пра адносіны паміж Святым Пасадам і Рускай Праваслаўнай Царквой, якія пагоршыліся з прычыны падтрымкі яе кіраўніцтвам вайны. Ватыканскі іерарх запэўніў, што, нягледзячы на “непаразуменні”, дзверы для магчымай сустрэчы Папы з Патрыярхам Маскоўскім застаюцца адчыненымі, і дыялог не перапыняецца.
З боку Святога Пасада жаданне такой сустрэчы ўсё яшчэ існуе, нават калі абставіны перашкаджаюць яе ажыццяўленню. “Мы ведаем, што такое жаданне існуе і з боку Праваслаўнай Царквы”, - сказаў бліжэйшы супрацоўнік Пантыфіка.
