Кардынал-прэфект: пандэмія вярнула нас да сэрца місіі
Ян Глінскі - Pope
Падчас адкрыцця штогадовай Генеральнай асамблеі Папскіх місійных ініцыятыў, якая праходзіла ў фармаце анлайн 1-3 чэрвеня 2021 г., іерарх заўважыў, што пандэмія дала “вялікі ўрок пакоры”: многія душпастырскія планы і праграмы не ўдалося рэалізаваць, настала “перавыхаванне”, “мы вярнуліся да сэрца місіі, абуджаючы нанова місійную зацікаўленасць у сем’ях, школах, парафіях і месцах працы”.
Як патлумачыў прэфект, адкрыццё місіянерскага паклікання кожным ахрышчаным вядзе да “жэстаў місійнай любові і салідарнасці да бедных і церпячых”.
Кажучы пра евангелізацыю, кардынал Тагле звярнуў увагу на важнасць прысутнасці місіянераў у лічбавай прасторы, у сацыяльных сетках, дзе яны могуць дзяліцца сваімі натхняльнымі гісторыямі і досведам. “Бог наладзіў сувязь з намі, пасылаючы нам Сына, Слова, якое сталася целам”, і такім чынам “прамовіў на мове чалавецтва”.
Прэфект Кангрэгацыі Евангелізацыі Народаў нагадаў, што не дастаткова толькі абвяшчаць Евангелле, трэба жыць ім, “бо маладыя людзі, эксперты ў віртуальнай рэальнасці, лёгка распазнаюць, ці аўтэнтычная асоба, якая наладжвае сувязь, ці жыве яна пасланнем, якім дзеліцца”.
