Беларуская версія Ватыканскага інтэрнэт-радыё ўжо ў эфіры
Аляксандр Амяльчэня - Pope
Анлайн-трансляцыя даступная як на сайце Pope, так і ў аплеце Radio Vaticana для смартфонаў на і . Апрача навін і рубрык Беларускай рэдакцыі, у праграме штодзённа будзе Імша, Літургія гадзін (Ютрань, Нешпары, Камплета) і Ружанец на лацінскай мове, шмат класічнай музыкі.
“Радыё – сродак, які з цягам часу здолеў змяніцца, не страціўшы пры гэтым сваёй каштоўнасці і прывабнасці”, - заўважыў Паола Руфіні, прэфект ватыканскай Дыкастэрыі па камунікацыі. Паводле яго, радыё валодае “цудоўнай якасцю размаўляць з сэрцам”.
“З’яўленне беларускай версіі Ватыканскага інтэрнэт-радыё – гэта яшчэ адна магчымасць камунікацыі з нашай аўдыторыяй. Шмат людзей сочыць за навінамі з Ватыкана па-беларуску на нашай старонцы Pope, шмат хто слухае аўдыё-версію беларускай праграмы штодзённа на хвалях Радыё Марыя і Радыё Рацыя, у інтэрнэце, на кароткіх хвалях і праз спадарожнік. Зроблены наступны крок. Спадзяюся, што наша інтэрнэт-радыё стане ў беларускай рэлігійнай медыя-прасторы адметным дзякуючы штодзённай трансляцыі лацінскай літургіі, суботняму выпуску навін на гэтай старажытнай мове, вялікай колькасці класічнай музыкі”, - адзначыў кс. Аляксандр Амяльчэня, кіраўнік Беларускай рэдакцыі Ватыканскага радыё і Pope.
