Прэм’ер Іспаніі з візітам у Ватыкане
24 кастрычніка 2020 г. Папа прыняў на аўдыенцыі Старшыню ўрада Іспаніі Пэдра Санчэса. Затым палітык сустрэўся з арцыбіскупам Полам Галахерам, Сакратаром па адносінах Святога Пасаду з дзяржавамі.
Размова ў Дзяржсакратарыяце была прысвечана двухбаковым адносінам Апостальскай Сталіцы і Іспаніі і пытанням, якія ўяўляюць агульны інтарэс. Была падкрэслена магчымасць пастаяннага дыялогу паміж мясцовым Касцёлам і дзяржаўнымі ўладамі. Бакі спыніліся таксама на некаторых міжнародных праблемах, такіх як бягучая надзвычайная эпідэміялагічная сітуацыя, працэс еўрапейскай інтэграцыі і міграцыя.
24 кастрычніка 2020, 12:08
