Кіраўнік ватыканскай дыпламатыі пра станоўчы вобраз міграцыі
Свае думкі кардынал Пьетра Паралін выказаў у прадмове да кнігі „Immigration, understanding and proposals” (Міграцыя – разуменне і прапановы), вынік году працы студэнтаў Папскага грыгарыянскага ўніверсітэта.
Па словах іерарха, у дыскусіі пра ўзаемасувязь паміж міграцыяй і развіццём не ў поўнай меры быў ацэнены ўклад мігрантаў у развіццё краін, да якіх яны прыбываюць.
, - напісаў кардынал Дзяржсакратар.
Ён спаслаўся на словы Францішка аб неабходнасці адысці ад “успрымання іншага чалавека ў якасці пагрозы для нашага камфорту” і прызнаць яго як “таго, хто праз свой жыццёвы досвед і каштоўнасці можа ўнесці значны ўклад і паспрыяць дабрабыту нашага грамадства”.
Іерарх лічыць, што “агульным абавязкам” кіраўнікоў дзяржаў і сродкаў масавай інфармацыі з’яўляецца прасоўванне пазітыўнага погляду на міграцыю, барацьба са страхамі і забабонамі, а таксама дамінуючай сёння “культурай адчужэння”. Ён прызнаў той факт, што “існуе відавочная тэндэнцыя падкрэсліваць злачынныя падзеі з удзелам мігрантаў і бежанцаў” і не звяртаць увагі на станоўчыя аспекты сучаснай міграцыі.
Кіраўнік ватыканскай дыпламатыі заклікаў, аддаць справядлівасць “лесу, які расце”, а не засяроджваць увагу на “адным дрэве, што падае”, і якое, безумоўна, выклікае больш шуму, але не адлюстроўвае ўсёй рэчаіснасці.
