Нунцый у Аўстрыі: агрэсія Расіі прывяла да краху парадку бяспекі
Аляксандр Амяльчэня - Pope
У прамове падчас навагодняга прыёму ў прэзідэнта Аўстрыі для дыпламатаў у венскім Хофбургу іерарх, які з’яўляецца дэканам дыпкорпуса, заўважыў, што жорсткая агрэсія Расіі прывяла да краху еўрапейскага парадку бяспекі.
Ён з жалем зазначыў, што пасля амаль года вайны няма сур'ёзных мірных ініцыятыў, якія маглі б спыніць пакуты ўкраінскага насельніцтва і велізарныя разбурэнні, а таксама стварыць умовы для справядлівага і трывалага міру.
“Пакуль не будзе дасягнуты справядлівы мір, які не ўзнагароджвае захоп зямлі і не пакідае ўкраінскі народ на ласку і гвалт акупантаў, чалавечым патрабаваннем застаецца падтрымка тых, хто падвяргаецца нападам, пагрозам і прыгнёту”, - падкрэсліў ватыканскі дыпламат.
Ён адзначыў, што сённяшні трывожны геапалітычны сцэнарый патрабуе ад дыпламатаў творчай мужнасці. “Мы павінны будаваць і падтрымліваць мір, які з'яўляецца сапраўдным толькі тады, калі гэта мір у праўдзе, мір у справядлівасці, мір у салідарнасці і мір у свабодзе”, - падкрэсліў нунцый Лопес Кінтана.
