Выходзяць кнігі пра апошнія гады Бэнэдыкта XVI
Аляксандр Амяльчэня - Pope
Ужо 12 студзеня ў італьянскім Piemme выйдзе кніга пад назвай Nient’altro che la verita (Нічога, акрамя праўды). Выдавецтва паведаміла, што арцыбіскуп Генсвайн раскрые ў ёй праўду пра нападкі на Бэнэдыкта XVI падчас яго пантыфікату. Іншымі тэмамі стануць: справа Эмануэлы Арланда, якая знікла без вестак пры загадкавых абставінах, скандал з сексуальнымі злоўжываннямі ў Касцёле і адносіны паміж Бэнэдыктам XVI і Францішкам з 2013 года. Сааўтар кнігі – італьянскі журналіст і знаўца ватыканскіх спраў Саверыа Гаэта.
Прыкладна ў гэты ж час у выдавецтве Mondadori выйдзе зборнік неапублікаваных дагэтуль выказванняў і думак памерлага Папы-эмерыта. Кніга Che cos’e il cristianesimo – quasi un testamento spirituale (Што такое хрысціянства – амаль духоўны запавет) павінна з’явіцца ў кнігарнях 30 студзеня 2023 года.
25 студзеня ў выдавецтве Edizioni San Paolo выйдзе кніга шматгадовага аглядальніка ватыканскіх спраў Арацыа Ла Рока з прадмовай арцыбіскупа Генсвайна. Выданне мае назву: Ratzinger la scelta. Non sono scappato (Ратцынгер – рашэнне. Я не ўцякаў). Згодна з анонсам, адным з асноўных момантаў кнігі будзе супрацьстаянне Папы-эмерыта ў кантэксце скандалу са злоўжываннямі ў Мюнхенскай архідыяцэзіі ў 1980-я гады.
