Caritas: кліматычныя змены ўплываюць на жыццё мільёнаў людзей
Экстрэмальныя з'явы надвор'я штогод вымушаюць 25 мільёнаў чалавек пакідаць свае дамы, - папярэджвае Caritas Internationalis.
Аляксандр Амяльчэня - Pope
“Кліматычныя змены ўплываюць на жыццё мільёнаў людзей. У найбольш абяздоленым становішчы знаходзяцца тыя, хто менш за ўсіх вінаваты ў гэтых зменах”, - адзначыў Олівер Мюлер, дырэктар каталіцкай дабрачыннай арганізацыі. Ён падкрэсліў, што Сусветны дзень бежанцаў, які адзначаецца 20 чэрвеня, – “добрая магчымасць прыцягнуць увагу да лёсу кліматычных бежанцаў, пра якіх вельмі часта забываюць”.
Па словах Мюлера, за апошні год Caritas рэалізаваў 68 дабрачынных праектаў у рэгіёнах, якія значна пацярпелі ад змены клімату. Дапамога была аказана больш за мільёну чалавек. “Не можа быць так, каб людзі краін глабальнага Поўдня плацілі рахункі за наш лад жыцця”, - заявіў дырэктар Caritas Internationalis.
21 чэрвеня 2022, 12:03
