Папа: маліцца аб пакліканнях да святарскага і манаскага жыцця
Аляксандр Панчанка - Pope
“Калі мне было 17 гадоў, я вучыўся і працаваў. У мяне былі свае планы. Я не думаў стаць святаром. Але аднойчы я зайшоў у касцёл... і там быў Бог, які чакаў мяне!”, - падзяліўся Папа.
Францішак нагадаў, што “Бог нястомна кліча маладых людзей, таксама і сёння, прычым у некаторых выпадках, самым нечаканым чынам”.
“Часам мы не чуем Яго, бо надта занятыя сваімі справамі, сваімі задумамі, нават сваёй касцельнай актыўнасцю. Але Святы Дух прамаўляе да нас праз сны і трывогі, якія маладыя людзі адчуваюць у сваіх сэрцах. Калі мы будзем суправаджаць іх на гэтым шляху, то ўбачым, як Бог перамяняе іх. І зможам прыняць Яго пакліканне так, каб лепш служыць Касцёлу і свету сёння. Давайце давяраць моладзі! Але, перш за ўсё, будзем давяраць Богу, бо Ён кліча кожнага!”, - заклікаў Святы Айцец.
“Молімся, каб касцельная супольнасць адкрылася на прагненні і сумневы маладых людзей, якія адчуваюць пакліканне да жыцця місіяй Езуса – як у святарстве, так і ў манастве”, - агучыў малітоўную інтэнцыю Пантыфік.
