Святы Айцец атрымаў у падарунак новы інвалідны вазок – белы
Аляксандр Амяльчэня - Pope
Вазок быў створаны ў артапедычнай майстэрні ў Фразінонэ камандай з васьмі артапедыстаў і тэхнікаў. Пры яго распрацоўцы ўлічваліся фізічныя абмежаванні Папы, у тым ліку праблемы з каленам.
Доктар Алесандра Казінэлі, адзін з удзельнікаў праекта, адзначыў: "Гэта інвалідны вазок апошняга пакалення. Гаворка ідзе пра лёгкую алюмініевую канструкцыю, пакрытую скурай і тканінай, якую можна мыць, і ён цалкам белага колеру".
Каманда распрацоўшчыкаў імкнулася стварыць артапедычны сродак, які б не толькі паляпшаў мабільнасць, але і быў як мага менш заўважным па колеры і форме. Таму і быў абраны белы колер, які лепш спалучаецца з папскай сутанай.
Новы вазок быў прадстаўлены Святому Айцу падчас агульнай аўдыенцыі ў Зале Паўла VI. Францішак падзякаваў ахвярадаўцам, але пакуль невядома, ці пачне ён карыстацца новым вазком.
