Францішак: маліцца за прыгнечаныя вайной народы
На заканчэнне сустрэчы з вернікамі на малітве Анёл Панскі, якая 14 ліпеня 2024 года прайшла ў Ватыкане, Пантыфік заклікаў маліцца за маракоў і іх пастыраў, а таксама нагадаў пра Украіну, Палесціну, Ізраіль і М'янму.
Марыя Валодзіна - Pope
З нагоды Марской нядзелі, якая адзначаецца ў Касцёле ў другую нядзелю ліпеня, Святы Айцец заахвоціў прысутных маліцца “за тых, хто працуе ў марской галіне, а таксама за тых, хто клапоціцца пра іх”.
“Багародзіца, свята якой мы будзем адзначаць паслязаўтра як урачыстасць Найсвяцейшай Панны Марыі з гары Кармэль, няхай прынясе суцяшэнне і здабудзе мір для ўсіх народаў, прыгнечаных жахам вайны”, - сказаў Францішак, заклікаючы вернікаў не забываць аб змучанай Украіне, Палесціне, Ізраілі і М’янме.
14 ліпеня 2024, 12:55
