Анёл Панскі: Эўхарыстыя – гэта ахвяраванне, падзяка і дзяленне
Аляксандр Амяльчэня - Pope
Францішак падкрэсліў тры важныя дзеянні, якія адбываюцца падчас гэтага цуда і паўтараюцца падчас Эўхарыстыі: ахвяраванне, падзяка і дзяленне.
Ахвяраванне, паводле слоў Папы, – гэта прызнанне таго, што мы маем нешта добрае, чым можам падзяліцца, нават калі гэта здаецца нязначным у параўнанні з патрэбамі свету. Падчас Імшы святар ахвяруе хлеб і віно, а кожны вернік – сваё жыццё.
Падзяка – гэта момант, калі мы з пакорай і радасцю дзякуем Богу за Яго дары, прызнаючы, што ўсё, што мы маем, паходзіць ад Яго. Гэта момант благаслаўлення, калі Бог асвячае і памнажае нашы слабыя намаганні.
Дзяленне адбываецца падчас Камуніі, калі вернікі разам падыходзяць да алтара, каб прыняць Цела і Кроў Хрыстовыя. Гэта момант, які вучыць нас успрымаць кожны жэст любові як дар ласкі, як для таго, хто дае, так і для таго, хто атрымлівае.
Папа заклікаў вернікаў задумацца над наступнымі пытаннямі: "Ці сапраўды я веру ў тое, што маю нешта ўнікальнае, чым магу падзяліцца з братамі? Ці ўдзячны я Богу за Яго пастаянныя дары любові? Ці ўспрымаю я дзяленне з іншымі як момант сустрэчы і ўзаемнага ўзбагачэння?"
На заканчэнне Пантыфік папрасіў Дзеву Марыю дапамагчы вернікам перажываць кожную эўхарыстычную цэлебрацыю з верай і штодня распазнаваць і радавацца "цудам" Божай ласкі.
Падчас свайго разважання Францішак падкрэсліў важнасць удзячнасці, шчодрасці і еднасці ў хрысціянскім жыцці, заклікаючы вернікаў глыбей разумець і перажываць сэнс Эўхарыстыі ў сваім штодзённым жыцці.
