Папа да законніц: быць мужнымі сведкамі евангельскай салідарнасці
Марыя Валодзіна – Pope
13 лістапада 2023 года Папа прыняў на аўдыенцыі ўдзельніц 25-га генеральнага капітула Кангрэгацыі Школьных сясцёр Нотр-Дам. Законніцы сабраліся ў Рыме, каб падзякаваць Богу за мінулае і сучаснасць, а таксама вызначыць будучыя шляхі кангрэгацыі, заснаванай Маці Тэрэзай з Калькуты, гадавіна беатыфікацыі якой прыпадае на 17 лістапада 2023 года.
У сваім звароце Папа адзначыў, што жыццё Маці Тэрэзы было сведчаннем веры, мужнасці і адданасці справе выхавання моладзі. Яе педагагічнае бачанне было цэласным: разам з перадачай акадэмічных ведаў яна клапацілася пра выхаванне спагадлівых і адказных людзей, арыентаваных на Хрыста. Яе паслядоўніцы, Школьныя сёстры Нотр-Дам, працягвалі ісці шляхам служэння, адукацыі і духоўнасці, сведчачы Евангелле па ўсім свеце.
Пантыфік адзначыў, што тэма генеральнага капітула – Прароцкае сведчанне ўсеагульнай камуніі – мае вялікае значэнне ў сучасным кантэксце. Пакліканне асобных людзей і супольнасцей спрыяць адзінству святога народа Божага засноўваецца на імкненні Езуса да адзінства ўсіх, хто верыць у Яго (пар. Ян 17, 11), - нагадаў ён.
На думку Святога Айца, адданасць законніц кансэкраванаму жыццю з'яўляецца не толькі дарам, які яны прынеслі Пану, але і знакам іх гатоўнасці служыць братам і сёстрам. Папа заклікаў госцей “працягваць быць мужнымі сведкамі евангельскай салідарнасці ў час, калі многія адчуваюць фрагментацыю і раз'яднанасць”. Гэтая адказнасць набывае яшчэ большае значэнне ў святле сінадальнага працэса ў Касцёле. “Ваш капітул – гэта магчымасць больш уважліва прыслухацца да Святога Духа і адна да адной, каб умацаваць повязі еднасці, якія аб'ядноўваюць вас як сясцёр і як членаў Цела Хрыстова”, - адзначыў Францішак, падкрэсліўшы важнасць уважлівага слухання.
Напрыканцы прамовы Пантыфік пажадаў манахіням, каб абмеркаванні і рашэнні капітула прынеслі кангрэгацыі вялікі плён. “Няхай Панна Марыя, Маці Касцёла, абараняе вас, дапамагае вам і служыць верным правадніком на гэтым шляху”, - благаславіў Францішак усіх школьных сясцёр Нотр-Дам, колькасць якіх у свеце складае 1900 чалавек.
