Францішак: маліцца за мір ва Украіне і Святой Зямлі
Аляксандр Панчанка - Pope
Францішак падзякаваў усім, хто далучыўся да Дня малітвы, посту і пакаяння ў інтэнцыі міру, які 27 кастрычніка праходзіў у Касцёле. “Давайце не будзем здавацца”, - сказаў ён, заклікаючы працягваць маліцца за Украіну, за вырашэнне цяжкай сітуацыі ў Палестыне, Ізраілі і іншых рэгіёнах свету, у якіх ідуць войны. Ён заклікаў забяспечыць доступ гуманітарнай дапамогі ў сектар Газа, неадкладна вызваліць заложнікаў і спыніць агонь, нагадаўшы, што вайна – гэта заўсёды параза.
Пантыфік запэўніў у сваё блізкасці насельніцтва Акапулька ў Мексіцы, якое пацярпела ад магутнага ўрагану. “Я малюся за ахвяр, за іх сем’і, за тых, каму была нанесена цяжкая шкода. Няхай Маці Божая Гвадэлупская падтрымлівае сваіх дзяцей у выпрабаваннях”, - пажадаў Папа.
