Святы Айцец: ззяць святлом любові Хрыста
Аляксандр Панчанка – Pope
У гаміліі Францішак спаслаўся на літургічнае евангельскае чытанне на свята Перамянення Пана. Ён параўнаў досвед апосталаў, якіх Езус узяў з сабой на гару Табор, з досведам маладых удзельнікаў СДМ. Святы Айцец заклікаў юнакоў і дзяўчат задумацца: што мы прынясём з сабой, вяртаючыся на раўніну штодзённага жыцця?
На падставе евангельскага ўрыўку пра Перамяненне, Папа адказаў на гэта пытанне трыма словамі: ззяць, слухаць і не баяцца. Ён адзначыў, што на гары Табор аблічча Езуса ззяла як сонца. Святло, якое агарнула апосталаў, падрыхтавала іх да ночы, якую яны павінны будуць перажыць у будучыні, дапамагло ім вытрымаць цяжкасці цёмных гадзін Гефсеманіі і Кальварыі.
Пантыфік адзначыў, што таксама і сучасныя вернікі патрабуюць Божага святла, каб пераадольваць цемру жыцця, штодзённыя паразы і адказваць на іх са святлом Уваскрасення Езуса. Ён падкрэсліў, што мы становімся ззяючымі людзьмі, калі прымаем Езуса і вучымся любіць яе Ён.
Затым Папа заклікаў моладзь слухаць Езуса, у першую чаргу, чытаючы Евангелле. Хрыстус указвае шлях любові і дапамагае адрозніваць яго ад эгаізму, - дадаў Святы Айцец.
Нарэшце Францішак заклікаў юнакоў і дзяўчат не баяцца. “Дарагая моладзь, я хацеў бы паглядзець у вочы кожнаму з вас і сказаць: не бойцеся. Але я скажу вам нешта яшчэ больш прыгажэйшае: не я, але сам Езус глядзіць на вас зараз, Ён ведае вас, ведае сэрца кожнага з вас, ведае жыццё кожнага з вас, ведае радасці, ведае смуткі, ведае поспехі і паразы, ведае вашы сэрцы. І сёння Ён кажа вам у Лісабоне, на гэтых Сусветных днях моладзі: не бойцеся, будзьце мужнымі, не бойцеся”, - сказаў на заканчэнне сваёй гаміліі Пантыфік.
