Лічбавы Сінод: малітва да 10-годдзя пантыфікату Францішка
Ян Глінскі - Pope
Асобы, якія далучаюцца да малітвы, могуць пакінуць пазнаку на сайце , пасля чаго на карце з’явіцца віртуальная свечка. Гэтая карта стане адлюстраваннем малітоўнай падтрымкі, якую аказваюць Папе вернікі ва ўсім свеце. Аб сваёй духоўнай падтрымцы можна паведаміць да 13 сакавіка – гадавіны абрання Папы Францішка. Пасля гэтага дня Святы Айцец атрымае карту з віртуальнымі свечкамі – сімваламі малітвы за яго.
“Пятровае служэнне, – адзначаецца ў камунікаце Лічбавага Сіноду, – з’яўляецца вялікай ласкай, якою Езус адарыў свой Касцёл, і мы павінны заўсёды быць удзячнымі за яе. Таму наша малітва – найлепшы дар, каб Бог падтрымліваў у служэнні таго, каго выбраў для гэтай паслугі, бо на гэтай скале Ён будуе свой Касцёл у часе і гісторыі”.
Лічбавы Сінод з’яўляецца сеткай, што злучае анлайн-місіянераў, якія адказалі на заклік Папы да ўдзелу ў сінадальным працэсе шляхам дыялогу з тымі, хто “насяляе” лічбавы кантынент, і несці свой хрысціянскі досвед у інтэрнэт-прастору.
