Францішак у Казахстане памаліўся за мір ва Украіне і на Каўказе
Аляксандр Панчанка - Pope
“Я думаю пра многія месцы знясіленых вайной, асабліва пра дарагую Украіну. Давайце не будзем прызвычайвацца да вайны, давайце не будзем скарацца перад яе непазбежнасцю, давайце прыйдзем на дапамогу тым, хто пакутуе і давайце будзем настойваць на спробах, па-сапраўднаму накіраваных на дасягненне міру. Што яшчэ павінна здарыцца, колькі смерцяў трэба яшчэ чакаць, перш чым канфрантацыя саступіць месца дыялогу на карысць людзей, народаў і чалавецтва. Адзінае выйсце – гэта мір, а адзіны шлях да яго – гэта дыялог”, - сказаў Пантыфік.
Францішак прызнаўся, што з хваляваннем даведаўся, пра “новыя ачагі напружанасці ў каўказскім рэгіёне”, якія распаліліся ў гэтыя гадзіны. “Давайце працягваць маліцца аб тым, каб таксама і на тых тэрыторыях мірнае ўрэгуляванне і згода ўзялі верх над разладамі. Няхай свет навучыцца ствараць мір, у тым ліку шляхам абмежавання гонкі ўзбраенняў і перанакіравання вялізарных ваенных выдаткаў на канкрэтную падтрымку насельніцтва. Дзякую ўсім, хто верыць у гэта. Дзякую вам і ўсім, хто з’яўляецца пасланнікам міра і адзінства”, - сказаў Святы Айцец.
