Францішак пра сітуацыю ў ЗША: “не” для расізму і насілля
“Дарагія сябры, мы не можам праяўляць цярпімасці, заплюшчваць вочы на розныя формы расізму і адчужэння і пры гэтым прэтэндаваць на абарону святасці кожнага чалавечага жыцця. У той жа час мы павінны прызнаць, што насілле апошніх начэй з’яўляецца дзеяннем разбуральным, накіраваным супраць саміх сябе. З насіллем мы нічога не набываем, але многае губляем”, - сказаў Пантыфік 3 чэрвеня 2020 г. падчас агульнай аўдыенцыі.
“Будзем маліцца аб суцяшэнні для сем’яў і сяброў, аб нацыянальнай згодзе і міры, якога прагнем. Няхай Маці Божая Гвадэлупская, Маці Амерыкі, заступаецца за ўсіх, хто працуе на карысць міру і справядлівасці на вашай зямлі і ва ўсім свеце”, - заклікаў Папа.
Джордж Флойд загінуў 25 мая 2020 г. пры затрыманні паліцыяй у горадзе Мінеапаліс. Яго гібель стала прычынай для масавых пратэстаў у розных гарадах ЗША, у выніку якіх загінулі па меншай меры 11 чалавек.
