Святы Айцец: супрацьстаяць культуры выключэння праз адукацыю
Францішак адзначыў, што большасць членаў руху – гэта маладыя людзі. “Вы адыграеце галоўную ролю ў будучыні не толькі самой арганізацыі, але і ўсяго чалавецтва”, - сказаў Пантыфік. Ён падкрэсліў, што гаворка ідзе і пра сучаснасць: таксама і сёння трэба ставіць і вырашаць задачы з энтузіязмам і з уключэннем іншых.
, - сказаў Папа. Ён адзначыў: усё, што не спрыяе эканамічнаму, гаспадарчаму і тэхналагічнаму развіццю, сённяшняя сістэма імкнецца выключыць.
Рух “Вера і радасць” прапаноўвае адваротнае: усё ўключаецца, прымаецца кожны. Нават тое, што паводле меркавання сучаснага свету бескарыснае. Няма людзей бескарысных для “Веры і радасці”. Усе ўключаны, усё ўключаецца. Францішак назваў гэта “таямніцай інклюзіўнасці”, якую, на яго думку, трэба пашыраць.
Fe y Alegría – гэта федэрацыя мясцовых арганізацый, якія прапануюць адукацыйныя магчымасці для самых бедных слаёў грамадства. Яна праводзіць трэнінгі для настаўнікаў і ўтрымлівае некалькі адукацыйных радыёстанцый. У аснове ляжыць традыцыя езуіцкай адукацыйнай сістэмы. Рух нарадзіўся ў Венесуэле і прысутнічае ва ўсіх краінах Лацінскай Амерыкі, пачаў распаўсюджвацца ў Еўропе.
