Пантыфік прапанаваў “прынцыпы” абароны непаўналетніх
У якасці першага, прапануецца стварэнне “практычнага дапаможніка” па рэагаванні ў сітуацыі злоўжыванняў. Павінны паўстаць адпаведныя структуры, у склад якіх увайшлі б падрыхтаваныя і кампетэнтныя асобы. Таксама адзначаецца неабходнасць ясных крытэрыяў для непасрэднага ўдзелу ў справе біскупа ці настаяцеля, агульных працэдур для разгляду заяў і абароны ахвяр, інфармавання аб такіх выпадках грамадзянскіх і касцёльных вышэйшых органаў улады.
У дакуменце гучыць прапанова “вызначыць асобныя пратаколы для кіравання абвінавачванняў супраць біскупаў”, спрыяць, шляхам пастаяннай фармацыі духавенства, павышэнню дасведчанасці аб прычынах і наступствах сексуальнага гвалту.
У 12-м пункце прапанавана “падвысіць мінімальны ўзрост для ўступлення ў шлюб да шаснаццаці гадоў”. У 14-м нагадваецца пра права на абарону і прынцып прэзумпцыі невінаватасці, з чаго вынікае неабходнасць прадухілення публікацыі спісаў абвінавачаных, у тым ліку на ўзроўні дыяцэзій, да вынікаў следства і канчатковага прысуду.
Наступныя пункты “кіруючых прынцыпаў” гаворыць пра ўвядзенне адпаведных правіл і праграм навучання для семінарыстаў і кандыдатаў да святарства і манаскага жыцця, правядзенне іх псіхалагічнай ацэнкі кваліфікаванымі і акрэдытаванымі экспертамі, вызначэнне норм для пераходу семінарыстаў з адной семінарыі ў другую.
У 19-м пункце прапануецца “сфармуляваць правілы паводзін, абавязковыя для ўсіх святароў, законнікаў, персаналу і валанцёраў, каб намеціць адпаведныя межы ў міжасобасных адносінах”, а таксама правяраць наяўнасць судзімасці ў іх.
У апошнім пункце адзначаецца неабходнасць стварэння “структур хуткага доступу” для ахвяр, якія жадаюць паведаміць пра магчымыя злачынствы. Прычым, такія структуры павінны мець аўтаномію нават ад мясцовага касцёльнага кіраўніцтва і складацца з дасведчаных асоб, духавенства і свецкіх вернікаў.
Францішак назваў дваццаць адзін тэзіс “зыходным пунктам” для ватыканскага саміту па абароне непаўналетніх.
