Сустрэча Папы з ахвярамі злоўжыванняў у Ірландыі магчымая
Падчас свайго двухдзённага візіту ў Дублін, Пантыфік можа сустрэцца з пацярпелымі ад злоўжыванняў духавенства, паведаміў кіраўнік Залы Друку Грэг Бёрк.
Падчас брыфінгу для журналістаў, прымеркаванага да падарожжа Францішка ў Ірландыю, афіцыйны прадстаўнік Святога Пасаду заявіў: “Святы Айцец сустракаецца з пацярпелымі падчас паездак у краіны, дзе злоўжыванні з’яўляюцца рэальнасцю”. Бёрк не паведаміў пра дэталі магчымай размовы Папы з ахвярамі. Звычайна яны раскрываюцца пасля завяршэння такіх сустрэч.
Францішак наведае сталіцу Ірландыі 25 і 26 жніўня 2018 г., каб прыняць удзел у IX Сусветнай сустрэчы сем’яў.
22 жніўня 2018, 11:02
