Сінадальнасць: католікі Еўропы шукаюць шляхі абнаўлення
Аляксандр Амяльчэня - Pope
У сустрэчы, якая праходзіла з 29 па 31 жніўня 2024 года, удзельнічалі 43 кардыналы, біскупы і тэолагі. Галоўнай тэмай абмеркавання стала "сінадальнасць" – накірунак, вызначаны Папам Францішкам.
Хоць агульная заява па выніках сустрэчы не была апублікавана, справаздачы шасці моўных груп даюць уяўленне аб змесце дыскусій вакол рабочага дакумента – Instrumentum laboris.
Удзельнікі адзначылі, што Каталіцкі Касцёл у Еўропе "падзелены і стомлены". Ад Касцёла чакаюць "лячэння калектыўных ран" і большай пакоры і адкрытасці свету. Было падкрэслена, што "Еўропа больш не з'яўляецца цэнтрам Касцёла, толькі сэрца Касцёла знаходзіцца ў Рыме".
Сярод іншых важных тэм абмяркоўваліся пераадоленне клерыкалізму, роля жанчын у Касцёле, празрыстасць і адказнасць у кіраванні, а таксама магчымасць правядзення Еўрапейскага Сінода.
Удзельнікі прызналі, што сінадальны працэс быў вельмі плённым і павінен быць працягнуты. Было прапанавана праводзіць рэгулярныя сустрэчы на ўсіх узроўнях Касцёла і пасля завяршэння Сінода Біскупаў.
