Рым: 30 гадоў Цэнтру духоўнасці Божай Міласэрнасці
Аляксандр Амяльчэня - Pope
Менавіта гэты Пантыфік ахвяраваў касцёлу копію абраза Езуса Міласэрнага, намаляваную паводле ўказанняў сястры Фаўстыны Кавальскай, а затым, у 2000 годзе, пасля кананізацыі Апостала Божай Міласэрнасці, яе рэліквіі.
Касцёл Духа Святога мае даўнія традыцыі, узыходзячыя да VIII стагоддзя. З самага пачатку ён быў звязаны з духоўнай практыкай міласэрнасці. Спачатку як цэнтр для англасаксонскіх пілігрымаў – адсюль і назва in Sassia – а потым як касцёл для пацыентаў найстарэйшай бальніцы ў Еўропе.
Цэнтрам культу Божай Міласэрнасці з'яўляецца адна з бакавых капліц. Тут знаходзіцца абраз Езуса Міласэрнага і рэліквіі святой Фаўстыны. Кожны дзень у 15.00 там моляцца Вяночкам да Божай Міласэрнасці. Набажэнства трансліруецца на сайце санктуарыя і на . З 1993 года тут служаць сёстры з Кангрэгацыі Сясцёр Маці Божай Міласэрнасці, да якой належала святая Фаўстына.
Ян Павел ІІ наведаў Цэнтр духоўнасці Божай Міласэрнасці ў 1995 годзе, а Францішак – у 2021 годзе. Кожны год у нядзелю Божай Міласэрнасці Папа вітае пілігрымаў, якія ў гэты дзень прыходзяць у працэсіі з абразам Езуса Міласэрнага на плошчу святога Пятра. Касцёл Духа Святога in Sassia знаходзіцца ў некалькіх сотнях метраў ад яе.
