Кардынал Філоні аб дзейснасці посту і малітвы для вяртання міру
Аляксандр Амяльчэня - Pope
Ён займае пасаду Вялікага Магістра Ордэна Гроба Пана ў Іерусаліме, які фінансуе касцёльныя ініцыятывы ў Святой Зямлі і апякуецца шырокай сеткай школ. Зараз жа, як паінфармаваў сам іерарх у інтэрв’ю Avvenire, арганізацыя падтрымлівае дзейнасць Лацінскага Патрыярхата Іерусаліма, накіраваную на дапамогу ахвярам цяперашняга крызісу.
Паводле кардынала Філоні, Францішак меў рацыю, запрашаючы людзей іншых рэлігій да посту і малітвы, бо Блізкі Усход – гэта рэгіён, дзе сустракаецца вялікая колькасць рэлігійных традыцый. “Нельга маўчаць у такі момант. Мы не можам гэтага дапусціць”, - сказаў ён.
“У такой складанай і драматычнай сітуацыі амаль немагчыма, каб запанаваў мір”, - з жалем заўважыў былы прэфект Кангрэгацыі евангелізацыі народаў.
Ён нагадаў, што, напрыклад, ў выпадку Ірака заклікі да міру не былі пачутыя. У выніку мы ўбачылі паслядоўнасць насілля. “Вайна там скончылася, але насілле не скончылася, мір яшчэ не наступіў”, - адзначыў кардынал Філоні, які ў 2001- 2007 гадах быў апостальскім нунцыем у гэтай блізкаўсходняй краіне.
