Прадстаўнікі Касцёла і ЕС пра грамадскія наступствы вайны
Аляксандр Амяльчэня - Pope
Грэка-каталіцкі іерарх падзяліўся вопытам таго, як касцёльныя супольнасці з самага пачатку дапамагаюць украінскім бежанцам ва Усходняй Славакіі. Ён падкрэсліў, што хрысціяне вельмі часта выступаюць на перадавой у сферы гуманітарнай дапамогі; гэта таксама мае месца ў цяперашняй ваеннай сітуацыі. Таму ён папрасіў Еўрасаюз падтрымаць валанцёраў і арганізацыі, якія дапамагаюць людзям ва Украіне.
У сваю чаргу арцыбіскуп Эруар падкрэсліў неабходнасць клопату аб самых бедных у ЕС ва ўмовах крызісу, які працягваецца. Гаворка ідзе не столькі пра ўвядзенне адпаведнай сацыяльнай палітыкі, колькі пра “палітыку, скіраваную на рэальную салідарнасць з найбольш слабымі членамі грамадства”.
Сустрэчы паміж прадстаўнікамі ЕС і рэлігійнымі лідарамі адбываюцца рэгулярна ў рамках Дамовы аб функцыянаванні Еўрасаюза. Кардынал Жан-Клод Олерыш, старшыня Камісіі біскупскіх канферэнцый Еўрапейскай Супольнасці (COMECE), адзначыў, што “ўклад Касцёлаў з’яўляецца і павінен разглядацца як істотны складнік у развіцці палітыкі Еўрапейскага Саюза ў справе агульнага дабра”.
