Pàpa akomaki na Belgiki, nteleme ya mibale ya mobembo mwa ye na katikati ya mikili ya poto.
Alys KBD c.p – O mboka Kinhsasa/RDC
Pàpa francois akomaki na bruxelles mboka mokonzi ya Ekolo ya Belgique esika to ntelémé ya mibale ya mobembo mwa ye na katikati ya mikili ya poto, na ngonga ya 19h06 na base ya mpepo ya Melsbroek, epai wapi molulu ya boyei bolamu esalemaki. Nsima bokiti o mabele ya Boeing 737 ya kompanyi Luxair, ntoma ya papa o ekolo Belgique, Mgr franco coppola pe mokambi ya protocole ya Belgique amataki na mpepo mpo na koyamba pàpa. Tango mokonzi pontif akitaki na mpepo banzembo epesaki mbote na boyei na ye na mabele ya Belgique. Nsima ayambamaki na mokonzi philippe. Mokonzi-mwasi Mathilde mpe bana mibale oyo bapesaki ye bafololo. Nsima ya banzembo ya ekolo, ba lakisaki baponami ya likita lina, o kati ya bango, Mgr Luc Terlinden episkopo mokonzi ya Malines-Bruxelles, oyo avandaka na ekolo ya Vatican. Mobembo ya papa ezwaki nzela ya ndako ya bantoma ya papa ya ekolo ya Belgique .
Bokutani ya nsuka mpe bolongwi na mboka Luxembourg
Mayebisi mya mokolo mwa mitano, mokolo mwa liboso na mboka Belgique
Lobi mokolo mwa mitano, tuku ibale na sambo ya sanza ya libwa, na mboka Belgique, mobembo ya mibale ya mosantu Pàpa, ebandaki mwa moke na nsima ya ngonga ya 9h na botali ya bonkonde epai ya mokonzi ya ba belges na ndako ya monene ya Laeken. Botali mosusu elandamaki na ngonga ya 9h45 na bokutani na premier ministre mpe na ngonga 10h na bokutani na bakonzi ya mbulamatari mpe societe civile, na bowumeli na ya yongo francois asalaki lisukulu na ye ya liboso na Belgique. Na nsima ya nzanga na ngonga 16h30 pontif mokonzi akutanaki na batangisi ya biteyelo ya likolo na kati ya “Promotiezaal” de la khatolieeke universiteit Leuven, moko ya biteyelo ya motuya na mikili ya poto oyo eko kokisa bongo mbula 600 uto ebandaki na mbula 2025. Lisukulu moko ebongisami mpe mpo na libaku lina.
