Bokutani bya Papa o Mangomba mi zali na boluki elikya
Albys KBD c.p – O mboka Kinshasa/RDC
Bikólo mibale ya Mikili ya Poto
Luxembourg, bo ezalaki ekólo bi kotimolaka mabanga ya ntalo mpe mikobende nkita ya ye se na mosala ya bilanga mpe ya koteka Makala, ekómi sika uto mibu zomi mileki bisika binene bya nkita na mikili ya poto, esika oyo bibongiseli mingi ya Mpoto ezali. Uto ezalaki mwa mboka moke ya kobatama, efinama na Ekolo ya France mpe Allemagne, ekómi lelo esika ya bokutani ya bimeseno, bizaleli mpe ba nkota ndenge na ndenge, bipai wapi bikolo ebele ya bapaya o kati ya mikili ya poto bazali kosangana mpe kofanda elongo na boyokani.
Esengeli mwa mokakoswa mpo ya kolendisama mpe pumbwe na boyambi
Na yango, boyei ya Papa ezwami lokola mwa mokakoswa mpo ya kokoba na kopanza nsango ya Liloba lya Nzambe, mpe na koluka lolenge lisusu ya sika mpo ya kosakola nsango elamu na Makita ya bato ndenge na ndenge, epai wapi boyambi ekowuta mpe na bayi batikà bamboka babango.
Ntina ya motuya ya mobembo ya bokitani bya bantoma ezali bongo mibu 600 oyo ekokokisa Eteyelo ya katoliko ya Louvain, ekabwanà na biteni mibale uto mobu 1968, Katholieke Universiteit Leuven (KU Leuven) na ngambo moko mpe epai mosusu na Iniversite ya Katolike ya Louvain na Louvain-la-Neuve. François ayaki bongo na bokutani na bisika ya biteyelo biye ya boyambi ya katoliko ya Ekolo ya Beljiki eye ezali kotalelo bo lobi, na lisalisi ya ba encycliques mibale Laudato si’ na Fratelli tutti, oyo ekozala nde mibeko.
Mpo na Tata Mosantu, ezali bongo libaku lya motuya mpo na kolobela likambo ya bato bakimà mboka mpe baye bawutà ba mboka bapaya; kolobela mpe mpo na ebateli ya mabele ndako lisanga ya bato banso; mpe kolobela kimia. Koloba nini lisusu ya malamu koleka o ntei ya mikili ya poto, na ntango bitumba ezali kopasola mindelo mia yango uto mibu mibale na ndambo.
Botondi na ndenge otango mokanda moye. Soki bolingi kozuwa tango inso na basango, bomikomisa na mokanda na biso ya bansango na esika eye
