Audience générale: Maria azali liboso mpenza “moyekoli ya Elimo Santo”
Na bokobi molongo ya mateya ya katekisi etali Elimo Santu, o esika Mosantu Petelo, Papa François alendisaki mokolo mwa misato 13 ya sanza ya zomi na moko bandimi na oyo etali “bokangemi moko mpe ekoki kobukana te seko na seko” eye ezali kati na Maria mpe Elimo Santu. Ezali bongo “bomoto mpenza ya Kristu, “asalemi na Elimo Santu mpe abotami na Ngondo Maria” (Credo), alimbolelaki bango, na bobengi moko na moko “ya bolobi “iyo” na Nzambe” lokola Maria, ata tango ya mikakatano.
Jean-René Bompolonga - Kinshasa/Congo
“Maria azali moko ya ba nzela Elimo Santu asalelaka mpo na komema biso epayi ya Yezu”. Episkopo ya Roma alobi yango lisusu polele o eleko ya lisukulu mpo na bato banso asalaki, o esika Mosantu Petelo, na kolimbola bongo ete bomipesi na Maria ezali moko ya ba nzela baye Elimo Santu azali kosala mosala na ye ya kosantisa na Eklezia- Liloba ya Nzambe, sacramento, losambo-
“Molongani ya Elimo Santu”
Papa, mpo na wana, atangi mosakoli ya nsango elamu Luka oyo alobaki lisolo kati ya boyei ya Elimo Santu epayi ya Maria na Bosakoli, mpe ya boyei epayi ya bayekoli na Pentecôte, na bosaleli maloba lolenge moko na bileko mibale mina. “Lokola bilili binso, eye ya “molongani ya Elimo Santu” ebongi te ezala kaka ya solo”, ekobaki ye koloba, “kasi ezuama kati ya bosolo ezali na ye”. Maria azali “molongani”, kasi “azali liboso mpenza moyekoli ya Elimo Santo”
Mpe epayi na ye, esengeli “toyekola kozala na bomikitisi na makanisi ya Elimo, mingi mpenza tango akoyebisa biso ‘kokende na lombango” mpe ya kosunga moto moko azali na mposa na biso, lokola Maria asalaki yango tango kaka angelu atikaki ye” (cf. Luka 1, 39).
Mokanda ekomami na Elimo
Maria, lokola moyekoli ya yambo mpe elongi ya Eklezia, azali “mokanda moko ekomami na Elimo ya Nzambe azali na bomoyi”. “Moto nyoso akoki koyeba mpe kotanga yango” (2 Ko 3, 2), ata na baye bakoki kotanga ba buku bitali Nzambe te, na “bana” baye Yezu alobi ete mibombano ya Bokonzi bwa likolo, bimbomani mpo na bato ya bwanya, bifungwameli bango (cf. Mt 11, 25)”. Apostolo Polo alimbolaki lisanga ya bakristu lokola “mokanda moko ya Kristu, esalemi na eyamba na biso, ekomami na mayi te, kasi na Elimo ya Nzambe azali na bomoyi, lokola Mobeko te, na ba mesa ya libanga, kasi na ba mesa ya mosuni, na mitema na bino”, elobaki François.
“N bolobi “iyo, fiat” na ye tango angelu apesi ye sango, elobaki Origène, ezali lokola Maria alobaki na Nzambe: “Ngai oyo, nazali mesa ya moke mpo na kokoma: mokomi akoma oyo ye alingi, asala na ngai, oyo ye alingi, Mokonzi ya biloko binso”
Koloba “iyo na Nzambe” lokola Maria
Mama ya Eklezia “amipesi na Nzambe” lokola lokasa ya pembe esika ye akoki kokoma oyo ye alingi”. ‘Iyo” ya Maria -ekomaka moto moko ya bwanya- ekolakisa “likolo ya ezaleli ya losambo liboso ya Nzambe, pamba tè alobi, na lolenge ya makasi, bomipesi ya eloko te esangani na lombago ya kosala, libulu ya mozindo makasi eye ekotambola elongo na kokokisama ya monene”. Na ndakisa na ye mpe na bolobeli na ye, Maria oyo alobaki “iyo” na Nzambe, “akotinda biso toloba na ye “iyo”, tango inso tozali kokutana na botosi ya kosala to mpe na mikakatano ya kolonga”, elobaki Papa.
14 November 2024, 12:26
