Bokulisi Episcopo wa sika ya Diocèse ya Wamba, Mgr Ngona
AlbysCP - Kinshasa/RDC
Na motango bazalaki ba Episkopo ntuku mibale, banso batandelaki maboko na ndeko na bango ya sika. O kati ya bango Episkopo ya kala ya wamba, Episkopo Janvier Kataka nà mpe Episkopo Sosthène Ayikuli, Episkopo ya Mahagi-Nioka, administrateur apostolique ya Wamba. Tobosani te Mgr Fulgence Muteba, Episkopo ya Archidiocèse ya Lubumbashi mpe mokambi ya Lisanga ya ba Episkopo ya Congo (CENCO). Monkama ya ba nganga nzambe basusu basambelaki na misa mana.
Mbuma ya likabo
Tango ya minioko mpe bomanioli
Tata Episkopo wa lokumu Ambongo Fridolin Asambelaki Missa maye ya bokulisi Episkopo na engumba ya Kinshasa kasi na wamba te. Nionso mpo na maye Episkopo ya Archidiocése ya Kisangani Marcel Utembi abengi: “tango ya minioko mpe bomanioli mpo ya kondima Episkopo ya sika na mboka Wamba”. Episkopo wa lokumo Ambongo asengi na ba nganga Nzambe mpe ba kristu ya wamba bayamba Episkopo ba bango ya sika na boyambi mpe na botosi na Mosantu Papa.
Mbela mona mowuti mpe na mokambi ya lisanga ya ba Episkopo ya Congo Kinshasa (CENCO) mpe na ntoma ya Papa: “ Episkopa ya Ekolo Congo ezali nzoto ya bokangami, ata moto moko akoki kopekisa ye koloba to kosakana na yanyo soki moke te “ elobaki Episkopo Muteba. Mpo na Episkopo Lescovar, Eklezya ekelami na nzambe: bosengeli kolanda makanisi ma nzambe kasi oyo ya bato te, nde bongo bakozwa boboto. Na Missa maye, basengaki bolobeli wa elenge mwasi, mwana wa mboka Wamba, mwa esengo Marie Clementine Anoalite, akokisi bongo mibu ntuku motoba ya bomartiro (60ans). Basengaki mpe lisalisi ya Mosantu maria, Maman wa biso ya malozi (Notre Dame des Douleurs), oyo bakokundolaka o mokolo mwa zomi na itano ya sanza ya libwa ya mibu manso; ye nde ndakisa ya elikya mpe ya bopikiliki.
Mgr Ngona, Episkopo wa sika o mboka Wamba na RDC
O mokolo mwa zomi na sambo ya sanza ya yamboya mobu moye, Mosantu Papa andimaki botiki mosala ya bokambi diocèse ya oyo Mgr Janvier Kataka Luvete asengaki, mpe aponaki lokola mokitani na ye, Sango Emmanuel Ngona Ngotsi, M.Afr. Episkopo Emmanuel Ngona Ngotsi abotamaki o mokolo mwa yambo ya sanza ya yambo ya mobu nkoto yoko nkama libwa ntuku motoba (1960) na mboka Bambu-Mines na diocèse ya Bunia na Nord-Est ya RDC. Atangaki filozofi na Bambu-Mines mpe, sima asali stage naye o mboka Burkina Faso. Atangi Théologia na institut katoliko ya mboka Toulouse o ekolo ya France. Azongaki kokutana lisusu na ba sango Missionnaires ya Afrika na Bambu-Mines mpe akuli bonganga o mokolo mwa ntuku mibale na ibale ya sanza ya mwambe ya mobu nkoto yoko ntuku libwa (1990) na mboka Fataki na Bunia. Uto mobu nkoto yoko nkama libwa na ntuku libwa na motoba (19996) kino mobu nkoto yoko nkama libwa na ntuku libwa na libwa asilisaki kelasi ya ye ya Licence na Sciences Sociales na Institut katokliko ya mboka Paris o ekolo ya France.
Sima ya bokuli bonganga asalaki misala miye: Sango molandi (Vicaire) na mobu nkoto yoko nkama libwa na ntuku libwa (1990) tee mobu nkoto yoko nkama libwa na ntuku libwa na inei (1994). Sima akomi Sango Mokonsi (Curé) banda mobu nkoto yoko nkama libwa na ntuku libwa na inei (19994) kino mobu nkoto yoko nkama libwa na ntuku libwa na motoba (1996) na Birni N’Koni o ekolo ya Niger; Sango Mokonzi na Zinder kaka na ekolo ya Niger uto mobu nkoto yoko nkama libwa na ntuku libwa na libwa tee nkoto ibale na inei (1999-2004). Délégué ya chapitre Generale o mboka Roma na mobu nkoto ibale na inei (2004). Assistant provincial na mboka Ouagadougou o ekolo Burkina Fasona na mobu nkoto ibale n aitano tee nkoto ibale na mwambe (2006-2008) Recteur na filosofat ya ba pères Blancs na Ouagadougou o mobu nkoto ibale n a mwambe kino nkoto ibale na libwa (2008-2009). Akomaki Provinciale na Bukavu na RDC na mobu nkoto ibale na libwa tee nkoto ibale na zomi (2009-2010); Moko (membre) na Conseil général ya ba Missionnaires ya Afrika na mboka Roma na mobu nkoto ibale na zomi kino nkoto ibale na zomi na motoba (2010-2016)
Uto ntuku ibale na zomi na sambo, azalaki bongo mokambi (superieur provincial) ya ba Missionnaires ya Afrika na mboka Bukavu na RDC. Na Archidiocèse ya Bukavu azali na mbala moko, moko (membre) ya Conseil presbyteral mpe moko ya lisanga ya ba Consulteurs.
