Анёл Панскі: малітва за мір і справядлівасць для чалавечай сям'і
У нядзелю, 8 верасня 2024 года, Папа завяршыў Імшу на Стадыёне імя сэра Джона Гайза ў Порт-Морсбі малітвай Анёл Панскі. У сваім разважанні ён даручыў шлях Касцёла ў Папуа-Новай Гвінеі і на Саламонавых Астравах апецы Дзевы Марыі.
Аляксандр Амяльчэня - Pope
Францішак прасіў Багародзіцу дапамагчы хрысціянам умацаваць еднасць сем'яў, натхніць маладых людзей на прыгожыя і смелыя мары, падтрымаць старэйшых і суцешыць хворых і пакутуючых.
Асаблівую ўвагу Папа надаў просьбе аб міры для ўсіх народаў, у тым ліку для вялікага рэгіёну паміж Азіяй, Акіяніяй і Ціхім акіянам.
Святы Айцец рашуча выказаўся супраць гонкі ўзбраенняў і эксплуатацыі агульнага дома – Зямлі. Ён заклікаў да сустрэчы народаў і культур, а таксама да гармоніі паміж чалавекам і прыродай.
Завяршаючы сваё разважанне, Папа папрасіў Марыю дапамагчы ўсім навярнуцца да Божых планаў міру і справядлівасці на карысць вялікай чалавечай сям'і.
08 верасня 2024, 01:39
