Пантыфік спачувае іранцам пасля выбухаў у Кермане
Аляксандр Амяльчэня - Pope
“Яго Святасць Папа Францішак быў глыбока засмучаны, даведаўшыся аб гібелі людзей, выкліканай нядаўнімі выбухамі ў Кермане, і запэўніў у сваіх малітвах за тых, хто загінуў, і за іх смуткуючыя сем'і. Выказваючы таксама сваю духоўную салідарнасць з пацярпелымі, Яго Святасць выпрошвае для іранскага народа благаслаўлення мудрасці і міру ад Усявышняга”, - гаворыцца ў тэлеграме за подпісам кардынала Дзяржсакратара П’етра Параліна.
Два выбухі забралі жыцці дзясяткаў людзей у іранскім Кермане, дзе праходзіла памінальная цырымонія ў чацвёртую гадавіну з дня смерці генерала Касема Сулеймані.
Па апошніх паведамленнях афіцыйных асоб Ірана, колькасць смяротных ахвяр склала 103, больш за 140 атрымалі раненні. Дадзеныя могуць мяняцца.
